پیام رمضان

💠💠💠💠💠💠💠💠💠💠

         =======  *پیام رمضان* =======

                 *شَهْرُ رَمَضَانَ الَّـذِىٓ* *اُنْزِلَ فِيْهِ الْقُرْاٰنُ* َ 
               رمضان وہ مہینہ ہے جس میں قرآن 
                اتارا گیا

                       💠 *پارہ* 7 💠

 *1*  *اطاعت خدا* 
                            اَطيـعـوا اللہ وَ اَطيـعـوا 
                           الـرَّسولَ َُ 
                           اور اللہ کا حکم مانو اور رسول
                           کا حکم مانو
                                 (سوره مائده / 92)

 *2*   - *دھیان*
                            يَآ اَيُّـهَا الَّـذِيْنَ اٰمَنُـوْا عَلَيْكُم
                            اَنْفُسَكُمَْ 
                            اے ایمان والو! تم پر اپنی
                            جان کی فکر( مراقبت) 
                            لازم ہے
                             (سورہ مائده/ 105)

 *3*   *- بہترین کے درپے* 
                         ُوَارْزُقْنَا وَاَنْتَ خَيْـرُ الرَّازِقِيْنَ 
                        اور ہمیں رزق دے اور تو ہی 
                        سب سے بہتر رزق دینے 
                        والا ہے۔
                               (سوره  مائده / 114)

 *4*  - *بڑی کامیابی* 
                        رَضِـيَ الـلّـهُ عَنـهُم وَ رَضواعَنـهُ، 
                        ان سے اللہ راضی ہوا
                        اور وہ( مومنین) خدا سے راضی
                       ہوئے، 
                       *ذلـکَ الـفَوزُ الـعَـظيـمُ*
                        یہی بڑی کامیابی ہے۔
                            (  سوره مائده / 119)

 *5*   - *درياے مهرباني* 
                      کَـتَـب َرَبُّـکُم عَـلي نَفـسِـهِ 
                       الـرَّحـمَـةَ 
                      تمہارے رب نے رحمت اور
                       مہربانی کو اپنے ذمہ لازم
                        کی ہے، 
                                 (سوره اَنعام/ 54)

 *6*  - *علم الهي* 
                          و مـا تَسـقُـطُ مِن وَرَقَـة
                          ٍاِلّـا يَعـلَـمُـها
                          اور کوئی پتہ نہیں گرتا مگر
                          وہ اسے بھی جانتا ہے
                               (سوره  انعام / 59)

 *7*  *-خير دائمي* 
                           وَ هـذا کِـتابٌ اَنـزَلـناهُ مُـبارَكٌ  َ
                           اور یہ کتاب جسے ہم نے 
                           اتارا ہے برکت والی ہے
                               (سوره انعام / 92)
➿➿➿➿➿➿➿➿➿

پیام رمضان

💠💠💠💠💠💠💠💠💠💠

         =======  *پیام رمضان* =======

                 *شَهْرُ رَمَضَانَ الَّـذِىٓ* *اُنْزِلَ فِيْهِ الْقُرْاٰنُ* َ 
               رمضان وہ مہینہ ہے جس میں قرآن 
                اتارا گیا

                 💠💠  *پارہ 6*  💠💠  
 1 -  **تعاون کہاں ہاں اور کہاں نہ*
                          َتَعَاوَنُـوْا عَلَى الْبِـرِّ و َالتَّقْوٰى 
                          وَلَا تَعَاوَنُوْا عَلَى الْاِثْـمِ وَالْعُدْوَانِ ۚ
                          آپس میں نیک کام اور پرہیزگاری
                          پر مدد کرو، اور گناہ اور ظلم
                           پر مدد نہ کرو
                               (سوره مائده / 2 )
2  -  *خدا کی مهربانی* 
                           مـا يُـريـدُ الله لِـيَجـعَـل
                           َ عَـلَيـکُم مِن حَرَجٍَ 
                           اللہ تم پر تنگی نہیں کرنا چاہتا
                                (سوره مائده /  6)
3  -     *نعمت خدا* 
                          وَاذْكُرُوْا نِعْمَةَ اللّـٰهِ عَلَيْكُمْ ِ
                          اور اللہ کا انعام جو تم پر ہوا
                          ہے اسے یاد کرو 
                              ( سوره مائده/ 7)
4 - *حتی  دشمن کے ساتھ بھی* 
                           وَلا يَجـرِمَـنَّـکُم شَـنَـآنُ قَومٍ 
                            ٰاَلّـا تَعـدِلوا  
                            اور کسی قوم کی دشمنی
                            کے باعث انصاف کو ہرگز 
                            نہ چھوڑو

                             (سوره  مائده / 8)
5  -  *کیوں عدالت* ؟ 
                            اِعـدِلوا هُـوَ اَقـرَبُ لِـلـتَّقـوي
                            انصاف کرو کہ یہی بات تقویٰ 
                            کے زیادہ نزدیک ہے،
                                (سوره  مائده/ 8)            

➿➿➿➿➿➿➿➿➿

پیام رمضان

💠💠💠💠💠💠💠💠💠💠

         =======  *پیام رمضان* =======

                 *شَهْرُ رَمَضَانَ الَّـذِىٓ* *اُنْزِلَ فِيْهِ الْقُرْاٰنُ* َ 
               رمضان وہ مہینہ ہے جس میں قرآن 
                اتارا گیا

                 💠💠  *پارہ 5*  💠💠  

1  *- خدا سے کیا مانگیں* 
                       وَ اسـاَلُـوا اللہ مِن فَضـلِـه
                       اور اللہ سے اس کا فضل مانگو،
                               (سوره نساء / 32)
2  - *ذرّه برابر* 
                      اِنَّ اللّـٰهَ لَا يَظْلِمُ مِثْقَالَ ذَرَّةٍ 
                      بے شک اللہ ایک ذرہ برابر
                      بهی ظلم نہیں کرتا 
                               (سوره نساء / 40 )
3  - *امانت داری* 
                      اِنَّ اللّـٰهَ يَاْمُرُكُمْ اَنْ تُؤَدُّوا 
                      الْاَمَانَاتِ اِلٰٓى اَهْلِهَاۙ
                      بے شک اللہ تمہیں حکم دیتا 
                      ہے کہ امانتیں امانت والوں کو
                      پہنچا دو
                               (سوره نساء / 58)
4  -  *خدا کی نصیحت* 
                         اِنَّ اللہ نِـعِـمّا يَـعِـظُـکُم بِـه
                         بے شک اللہ تمہیں نہایت اچھی
                         نصیحت کرتا ہے،
                              (سوره نساء/ 58)
5 -   *اہل ایمان پر تین اطاعتیں واجب ہے* 
                        يَآ اَيُّـهَا الَّـذِيْنَ اٰمَنُـوٓا اَطِيْعُوا اللّـٰهَ 
                        وَاَطِيْعُوا الرَّسُوْلَ وَاُولِى الْاَمْرِ 
                         مِنْكُمْ ۖ  
                         اے ایمان والو! اللہ کی 
                          فرمانبرداری کرو اور رسول 
                          کی فرمانبرداری
                         کرو اور صاحبان
                          امر کی 
                          (سوره ي نساء /59)
6  *ظلم کهی نہیں* 
                         وَلَا تُظْلَمُوْنَ فَتِيْلًا
                         اور ایک دھاگے کے برابر بھی
                         تم پر ظلم  نہیں کیا جائے گا ۔
                             ( سورہ نساء  / 77)
7 *منشاء اچھائی اور برائی* 
                        مَّـآ اَصَابَكَ مِنْ حَسَنَـةٍ فَمِنَ اللّـٰهِ
                        وَمَآ اَصَابَكَ مِن وَمَآ اَصَابَكَ مِنْ
                         سَيِّئَةٍ فَمِنْ نَّفْسِكَ
                         تجھے جو بھلائی پہنچے وہ اللہ 
                          کی طرف سے ہے، اور تجھے 
                          جو برائی پہنچے وہ تیرے 
                          نفس کی طرف سے ہے،
                              (سورہ نساء  / 79)
8  *دوسروں کے ساتھ نیکی* 
                       مَّنْ يَّشْفَعْ شَفَاعَةً حَسَنَةً يَّكُن
                     ْ لَّـه ٝ نَصِيْبٌ  
                      جو کوئی اچھی بات میں 
                       سفارش کرے 
                       اسے بھی اس میں سے ایک 
                        حصہ  ملے گا
                              (سورہ نساء  / 85)
9  - *جواب سلام* 
                        وَاِذَا حُيِّيْتُـمْ بِتَحِيَّـةٍ فَحَيُّوْا بِاَحْسَن
                       َ مِنْـهَآ اَوْ رُدُّوْهَا 
                        اور جب تمہیں کوئی دعا دے 
                        تو تم اس سے بہتر دعا دو یا
                         اس جیسی ہی کہو،
                                (سوره نساء/ 86)
10  - *آداب عبادت* 
                         فَاذکُـرُوا اللہ َقِـيامًاوَ قُـعودًا 
                          وَ عَـلى  جُـنوبِـکُم
                          اللہ کو کھڑے اور بیٹھے اور 
                           لیٹے ہونے کی حالت میں 
                           یاد کرو،
                               (سوره نساء/ 103)
11  -  *یومیہ نمازیں* 
                        اِنَّ الـصَّـالةَ کانَـت عَـلَـي 
                         الـمُؤمِـنيـنَ کِـتابًا مَوقوتًـا   
                        بے شک نماز اپنے مقررہ وقتوں 
                        میں مسلمانوں پر فرض ہے۔
                               (سوره نِـساء / 103)
12   - *سچائی* 
                    ۚ وَمَنْ اَصْدَقُ مِنَ اللّـٰهِ قِيْلًا 
                     اور اللہ سے زیادہ سچا کون ہے؟
                               (سوره نساء / 122)
13  - *صلح اور دوستي* 
                     وَ الـصُّلـح ُخَيـرٌ    
                     اور سمجھوتہ بہتر ہے،
                              (سورہ نساء  / 128)
14 - *ہوا و ہوس* 
                      فَـال تَـتَّـبِـعُـوا الـهَـوى 
                      اَن تَعـدِلوا
                     سو تم انصاف کرنے میں دل کی
                     پیروی نہ کرو
                             (سوره نساء  / 135)
➿➿➿➿➿➿➿➿

روزہ دار کی ذمہ داریاں

*باسمہ تعالی*

*روزہ دار کی ذمہ داریاں*

*قسط 2*
احمد حسین جوھری

*1۔ محرمات سے نگاہوں کی حفاظت*

 رمضان المبارک میں روزہ دار کی دوسری ذمہ داری یہ ہے کہ وہ اپنی نگاہوں کو نامحرم کی طرف نظر کرنے سے بچائے رکھے.خداوند عالم فرماتا ہے : *قل لِّلْمُؤْمِنِيْنَ يَغُضُّوْا مِنْ اَبْصَارِہِمْ وَيَحْفَظُوْا فُرُوْجَہُمْ ذٰلِكَ اَزْكٰى لَہُمْ اِنَّ اللہَ خَبِيْرٌۢ بِمَا يَصْنَعُوْن*(1) آپ مومن مردوں سے کہدیجیے کہ وہ اپنی نگاہیں نیچی رکھا کریں اور اپنی شرمگاہوں کو بچا کر رکھیں، یہ ان کے لیے زیادہ پاکیزگی کا باعث ہے. اللہ کو ان کے اعمال کا یقینا خوب علم ہے۔
اسی طرح دوسری آیت شریفہ میں خواتین سے مخاطب ہو کر فرماتا ہے: وَقُلْ لِّلْمُؤْمِنٰتِ يَغْضُضْنَ مِنْ اَبْصَارِہِنَّ وَيَحْفَظْنَ فُرُوْجَہُنَّ وَلَا يُبْدِيْنَ زِيْنَتَہُنَّ اِلَّا مَا ظَہَرَ مِنْہَا وَلْيَضْرِبْنَ بِخُمُرِہِنَّ عَلٰي جُيُوْبِہِنَّ(2)
اے رسول! ایمان دار خواتین سے کہیے کہ وہ اپنی نگاہوں کو نامحرم مردوں کو دیکھنے سے بچائے رکهیں اور اپنی شرمگاہوں کی حفاظت کریں نیز اپنے اسباب زینت کو چھپائیں سوائے ان کے جوخود بخود ظاہر ہیں اور اپنے دوپٹوں سے اپنی گردنوں اور سینے کو ڈھانپیں۔ 
بحار الانوار کی روایت ہے کہ پیغمبر اکرم صلی اللہ علیہ وآلہ وسلم فرماتے ہیں: جو شخص اپنی نگاہ کو نامحرم سے نہ بچائے  خداوند عالم قیامت کے دن اس کی آنکھوں کو آگ سے بھر دے گا اور جب لوگ  حساب سے فارغ ہوگا تو اس کے بعد اسے جہنم میں ڈال دے گا۔ امام صادق علیہ السلام فرماتے ہیں(3)کہ جو شخص نامحرم عورت کی طرف دیکھے پھر اپنی نگاہ کو پھیر دے اور آسمان کی طرف اٹھائے یا اپنی آنکھوں کو بند کر دے وہ اپنی آنکھوں کو نہیں کھولتا مگر یہ کہ خداوند عالم ایک حورالعین کو اس کے نکاح میں دے دے گا. حضرت فرماتے ہیں: نامحرم پر پڑنے والی پہلی نظر تیرے فائدے میں ہے جبکہ دوسری نظر تیرے نقصان میں ہے. اس کی سزا دیکھنے کی لذت سے کہیں زیادہ ہے اور تیسری نظر تجھ کو ہلاکت میں ڈالتی اور عذاب میں مبتلا کرتی ہے۔
بحار الانوار میں امام صادق علیہ السلام سے روایت ہے کہ آپ نے اپنے والد گرامی سے نقل فرمایا ہے :(4) قیامت کے دن ہر آنکھ تر ہو گی مگر تین آنکھیں ایسی ہوں گی جو نہیں روئیں گی:1. وہ آنکھ جو خوف خدا میں روئی ہو۔ 2.وہ آنکھ جو نامحرم کی طرف نہ اٹھے اور نامحرم کو دیکھتے ہی بند ہو جائے۔3 وہ آنکھ جو شب بیداری کرے یعنی خدا کی بارگاہ میں جاگتی رہے اور نماز شب پڑھے رہے۔
آنکھوں کو فعل حرام سے بچانا متقین کے اوصاف میں سے ایک ہے .حضرت علی علیہ السلام متقین کی صفات بیان کرتے ہوے فرماتے ہیں: اہل تقوی وہ لوگ ہیں جو اپنی آنکھوں کو حرام سے بچائیں،(5)
حضرت امام صادق علیہ السلام فرماتے ہیں:حرام کی طرف دیکھنا شیطان کے تیروں میں سے ایک تیر ہے۔ یہ اس بات کا باعث بنتی ہے کہ انسان طویل مدت کے لیے حسرت اور پشیمانی میں مبتلا ہوجائے۔(6) ماہ مبارک رمضان میں روزہ دار کو چاہیے کہ اپنی آنکھوں کو قابو میں رکھے اگر روزہ دار چاہتا کے کہ اس کا روزہ کامل اور خدا سے قربت کا باعث بنے تو اسے چاہیے کہ اپنی دید کے دایرے پر کنڑول رکهے اور اس کی شدت سے حفاظت کرے۔ وگرنہ اہل رمضان وعرفا کے نزدیک اس کا روزہ حقیقی روزہ شمار نہیں ہوتا، کیونکہ ایک روایت میں پیغمبر اکرم صلی اللہ علیہ وآلہ وسلم فرماتے ہیں: اگر کوئی شخص کسی عورت کو پیچھے سے اس طرح دیکھے کہ وہ اس کے کپڑوں کے اندر اس کی ہڈیوں کے حجم کو دیکھ سکے اور وہ روزہ سے ہو تو اسے چاہیے کہ افطار کرے یعنی اس کا روزہ باطل ہے۔ اہل منطق و عرفان کے نزدیک روزہ تنہا کھانا پینا ترک کرنے کا نام نہیں بلکہ تمام اعضاء و جوارح کو حرام کاموں کی انجام دہی سے بچانا مقصود ہے۔(7) اسی طرح کانوں کو حرام سے بچانا بهی لازم ہے.روزہ دار اپنے کانوں کی حفاظت کرے اور ان کو حرام آوازوں سے دور رکھے، مثلا گانے،غیبت، جھوٹ تہمت،جو دوسروں پر لگائی جائے ان سب سے اپنے کانوں کو بچائے۔
پیغمبر اکرم نے خطبہ شعبانیہ میں روزہ دار  کی ذمہ داریاں بیان کرتے ہوئے فرمایا: اپنی نظروں اور اپنے کانوں کو فعل حرام سے بچاو۔(8) امام سجاد علیہ السلام فرماتے ہیں: کانوں کا حق یہ ہے کہ تم انہیں غیبت اور دوسری حرام چیزوں کے سننے سے بچاو۔(9)
حوالہ جات۔۔۔۔۔۔۔۔۔۔۔۔۔۔۔۔۔۔۔
1۔ سورہ نور آیت:30
2۔سورہ نور آیہ31
3۔ بحار الانوار ج 104ص 37
4۔بحار الانوار ج104ص 35
5۔نہج البلاغہ خطبہ 193
6۔کافی ج 5ص559
7۔بحار الانوار ج93ص 290
8۔ خطبہ شعبانیہ وظایف روزہ داران
9۔ من لا یحضرہ الفقیہ ج 2 ص618

قرآن پڑهنے کے دو انداز

🔰قرآن پڑهنے کے دو انداز 

⁉️کیا ان دو طریقوں سے پڑھنا ایک جیسا ہے؟ ان دو طریقوں سے پڑھنا ایک جیسا نہیں ہے۔

📖دوسرا طریقہ اس طرح سے ہے کہ آپ الفاظ اور جملوں کو مناسب جگہ پر رکنے اور واضح کرنے کے انداز میں ادا کرتے ہیں۔

🔸یہ وہ کام ہے جو مثلاً شیخ عبدالفتاح کرتے ہیں یا مصطفی اسماعیل انجام دیتے ہیں، یہ ان کا کام ہے۔ یعنی مصر کے قدیمی قاریوں میں بھی سب کے سب اس طرح کے نہیں ہیں، سب کے سب مہارت نہیں رکھتے یا پھر اس جانب متوجہ نہیں۔ لیکن بعض افراد اس جانب توجہ رکھتے ہیں اور جانتے ہیں کہ کیا کر رہے ہیں۔

👈جب وه قرآن کی تلاوت کرتے ہیں تو جس جگہ پر رکنے اور زور دے کر واضح کرنے کی ضرورت ہوتی ہے وہاں پر وه مناسب انداز میں نمایاں کر کے پڑھتے ہیں۔ اس طرح سے تلاوت کرتے ہیں کہ گویا آپ اپنے آپ کو کلام خدا کا مخاطب قرار پاتے ہیں۔ اور اس طرح آپ کے دل کو مسحور ہو جاتے ہیں۔

✅ضروری ہے کہ  ہماری محافل اور مجالس میں بھی اسی قسم کی تلاوت کی جائے اور اسی طرح سے قرآن پڑھا جائے۔

رہبر معظم انقلاب اسلامی آیت الله خامنہ ای

#رمضاناللهکی_مہمانی
#ماهقرآندعاتوبہبندگی

✍️معارف الفرقان-1789

گناہوں سے پرده پوشی

🔸الله کی گناہوں سے پرده پوشی 

قسط نمبر02

✨امیرالمؤمنین علیؑ ابن ابی طالبؑ نے رسول اللهؐ سے نقل فرمایا:

📌فَإِنْ أَبَى إِلَّا قُدُماً قُدُماً فِي الْمَعَاصِي تَهَتَّكَ عَنْهُ أَسْتَارُہُ
اگر اس نے توبہ نہ کی اور اسی طرح قدم بہ قدم گناہوں کی طرف بڑھتا چلا گیا تو یہ پردے تدریجاً کم ہوتے چلے جائیں گے

📌فَإِنْ تَابَ [رَدَّهَا اللَّهُ إِلَيْهِ] وَ مَعَ كُلِّ سِتْرٍ مِنْهَا سَبْعَةِ أَسْتَارٍ
پھر بھی توبہ کا دروازه بند نہیں ہوتا اور اگر یہ مومن متعدد گناه کرنے اور توبہ نہ کرنے کے بعد بھی ایکدم سے توبہ کی طرف متوجہ ہوا اور اس نے توبہ کر لی تو الله تعالی پھر سے ان پردوں کو پلٹا دیتا ہے اور پھر سے وہی پہلی والی بات پلٹ آتی ہے

📌فَإِنْ أَبَى إِلَّا قُدُماً قُدُماً فِي الْمَعَاصِي تَهَتَّكت‏ عَنْهُ أَسْتَارُهُ وَ بَقِيَ بِلَا سِتْرٍ وَ أَوْحَى اللَّهُ تَعَالَى إِلَى مَلَائِكَتِهِ أَنِ اسْتُرُوا عَبْدِي بِأَجْنِحَتِكُم‏
اگر اس نے پھر اپنے گناہوں پر اصرار کیا تو پھر سے ان پردوں سے محروم ہو جاتا ہے لیکن پھر بھی خدا اسے رسوا نہیں کرتا، پھر بھی خداوند عالم تحمل سے کام لیتا ہے اور اپنے فرشتوں سے کہتا ہے کہ اسے چھپائے رکھو

📌... يَا رَبِّ إِنَّ عَبْدَكَ هَذَا قَدْ أَقْدَمَنَا مِمَّا يَأْتِي الْفَواحِشَ ما ظَهَرَ مِنْها وَ ما بَطَن
یہاں تک کہ وه اتنے گناه انجام دے دیتا ہے کہ فرشتوں کی چیخ و پکار بھی بلند ہو جاتی ہے

📌قَالَ: فَيَقُولُ اللَّهُ تَعَالَى لَهُمْ: كُفُّوا أَجْنِحَتَكُمْ فَلَوْ عَمِلَ بِخَطِيئَةٍ فِي سَوَادِ اللَّيْلِ أَوْ ضَوْءِ النَّهَارِ أَوْ فِي مَفَازَةٍ أَوْ قَعْرِ بَحْرٍ لَأَجْرَاها اللَّهُ تَعَالَى عَلَى أَلْسِنَةِ النَّاسِ
پھر الله تعالی فرشتوں سے فرماتا ہے کہ اسے اپنی پرده پوشی سے محروم کر دو.

⚠️اس کے بعد اگر وه تاریک رات میں یا روشن دن میں یا کسی بیابان میں یا دریا کی گہرائی میں گناه کا ارتکاب کرے تو الله تعالی اس کے گناہوں کو لوگوں کی زبان پر جاری کر دیتا ہے.

📌فَسئَلُوا اللَّهَ تَعَالَى أَنْ لَا يُهَتِّكَ أَسْتَارَكُم‏
لہذا الله تعالی سے دعا کریں کہ آپ کی عزت و آبرو کا پرده چاک نہ ہو.

21 دسمبر، 2004 کو فقہ کے درس خارج کی ابتداء میں آیت الله خامنہ ای کی جانب سے پیش کی جانے والی احادیث کی تشریح سے اقتباس

#احادیثکیتشریح
#احادیثکیتشریحرہبرمعظم - 27/2
 #کتابالنوادرکیمنتخباحادیث - 27/2

✍️معارف الفرقان-1787/2

گناہوں سے پرده پوشی

الله کی گناہوں سے پرده پوشی 

قسط نمبر01

✨امیرالمؤمنین علیؑ ابن ابی طالبؑ نے رسول اللهؐ سے نقل فرمایا:

📌للْمُؤْمِنِ اثْنَانِ وَ سَبْعُونَ سِتْراً 
الله تعالی نے مومن کے لیے 72 پردے رکھے ہیں.

📖یہ روایت ان روایات میں سے ہے جن میں علامتی انداز میں مطلب بیان کیا گیا ہے. مومن کے لیے 72 پردوں کا قرار دیا جانا ایسے ہی ہے جیسے انسان کسی چیز کو کہیں چھپائے اور اس کے آگے ایک پرده نصب کر دے، پھر ایک اور پرده، پھر ایک اور پرده، پھر ایک اور پرده تا کہ کوئی اس چیز تک نہ پہنچ سکے.

💠الله تعالی فرماتا ہے کہ میں نے مومن کو چھپایا ہے اور اس کے عیوب، کمزوریوں اور مشکلات کو لوگوں کے سامنے ظاہر نہیں کرتا، میں ان چیزوں کو 72 پردوں میں چھپا کر رکھتا ہوں. ہر انسان اپنی تنہائی میں اور اپنے وجود میں بہت ساری کمزوریوں کا حامل ہوتا ہے جو اس کے ظاہری حال سے پتہ نہیں چلتیں. یہ ہے الہی پرده پوشی.

📌فإِذَا أَذْنَبَ ذَنْباً انْهَتَكَ عَنْهُ سِتْرٌ
جب اس مومن نے ایک گناه انجام دیا تو ایک پرده پھٹ جاتا ہے

📌فإِنْ تَابَ رَدَّهُ اللَّهُ إِلَيْهِ وَ سَبْعَةً مَعَهُ
اگر اس نے اس گناه سے توبہ کر لی تو پھر الله تعالی اس پردے کو صحیح کر کے سات پردوں کا اور بھی اضافہ کر دیتا ہے، یہ ہے توبہ کا اثر.

✅توبہ ایک ایسی مرمت ہے جو اس چیز کو مرمت سے پہلی حالت سے بھی بہتر بنا دیتی ہے. یہ ہے توبہ! (جاری ہے)

21 دسمبر، 2004 کو فقہ کے درس خارج کی ابتداء میں آیت الله خامنہ ای کی جانب سے پیش کی جانے والی احادیث کی تشریح سے اقتباس

#احادیثکیتشریح
#احادیثکیتشریحرہبرمعظم - 27/1
 #کتابالنوادرکیمنتخباحادیث - 27/1

✍️معارف الفرقان-1787/1

روزہ دار کے وظائف

*بسمہ تعالی*
       *روزہ دار کے وظائف*
*قسط 1*
احمد حسین جوھری
      *1۔ گناہ سے دوری*

*قالَ امیرالمؤمنین علیه السلام: فَقُمتُ وَ قُلتُ: یا رسولَ‌اللهِ! ما أفضلُ الأعمالِ فِی هذا الشّهرِ؟ فقالَ صلی الله علیه و آله: یا أبالحسنُ، أفضلُ الأعمالِ فی هذا الشّهرِ ألوَرَعُ عن محارمِ اللهِ*
امیر المومنین علیہ السلام سے مروی ہے کہ آپ نے رسول اکرم صلی اللہ علیہ و آلہ وسلم سے پوچھا: اے اللہ کے رسول! (رمضان المبارک کے) اس مہینے میں کون سا عمل سب سے افضل ہے؟ آنحضرت صلی اللہ علیہ و آلہ وسلم نے فرمایا: اے ابو الحسن! اس مہینے میں سب سے افضل عمل اللہ کی حرام کردہ چیزوں سے اجتناب کرنا ہے۔
پیغمبر اکرم صلی اللہ علیہ وآلہ وسلم نے حضرت علی علیہ السلام کے سوال کے جواب میں یہ نہیں فرمایا کہ نماز سب سے افضل عمل ہے جو دین کا ستون ہے، نہیں فرمایا کہ روزہ سب سے افضل اعمل ہے، نہیں فرمایا کہ حج سب سے افضل اعمل ہے، جو تمام عبادات کو اپنے اندر سموئے ہوئے ہے، جو جامع عبادات ہے مالی، روحی، گھر بار سے دوری، وطن سے دوری وغیرہ ۔
اسی طرح یہ نہیں فرمایا کہ سب سے بہترین عمل جہاد ہے اور یہ بھی نہیں فرمایا کہ بہترین عمل قرائت قرآن یا صدقہ دینا، افطاری دینا، خمس و زکات دینا بلکہ فرمایا گناہوں سے دوری افضل ترین اعمل ہے۔
امام صادق علیہ السلام نے اپنے والد بزرگوار سے یہاں تک کہ پیغمبر اکرم صلی اللہ علیہ وآلہ وسلم سے نقل کیا ہے فرماتے ہیں : پیغمبر اکرم نے فرمایا: واجبات الہی پر عمل کرو تاکہ پرہیز گار ترین افراد میں سے ہوجاو، خدا کے دیے رزق پر راضی رہو تاکہ غنی ترین فرد بنو، خدا کی حرام کردہ چیزوں سے اجتناب کرو تاکہ سب سے زیادہ خدا سے ڈرنے والا بن سکو، جس کا تم سے واسطہ پڑے اس کے ساتھ اچھائی کرو تاکہ مومن بن جاو اور جو تمہارے ساتھ برا سلوک کرے اس پر احسان کرو تاکہ مسلمان بن سکو۔(1)
اس حدیث میں اورع الناس کا لفظ آیا ہے یعنی سب سے زیادہ خدا سے ڈرنے والا، رسول اکرم صلی اللہ علیہ و آلہ وسلم نے یہ لفظ اس شخص کے لیے استعمال فرمایا ہے جو محرمات الہی کو ترک کرے اور گناہوں میں آلودہ نہ ہوجائے، بہت ساری بیماریوں اور مشکلات کا علاج گناہوں سے دوری اختیار کرنا ہے، بہت سی بیماریوں کا علاج یہ ہے کہ انسان کھانوں سے اجتناب کرے، اور یہی حکم عبادات میں بھی  ہے، بہت سارے اعمال اور عبادات گناہوں کی وجہ سے ضائع ہوجاتے ہیں، ان کا اثر زائل ہوجاتا ہے اور انسان کے نامہ اعمال سے مٹ جاتے ہیں، لہذا گناہوں سے اجتناب اور خدا وند متعال کی نافرمانی سے دوری ماہ رمضان المبارک کے افضل ترین اعمال میں سے ہے، روایات و آحادیث میں ذکر ہوا ہے کہ معصیت اور گناہ سے اجتناب اور دوری کا ثواب عبادات کے انجام دینے سے زیادہ ہے، امام محمد باقر علیہ السلام فرماتے ہیں: صبر کی دو قسمیں ہیں: ایک یہ ہے انسان بلاء اور مصیبت کے دوران صبر کرے جو کہ بہت حسین و جمیل اور نیک ہے، دوسری قسم یہ ہے انسان خدا کی حرام کردہ چیزوں سے اجتناب اور دوری اختیار کرے۔گناہ کے انجام دینے سے اپنے آپ کو روکے رکھنا بہترین اور افضل ترین صبر ہے۔(2)
امیر المومنین علیہ السلام فرماتے ہیں کہ رسول اسلام نے فرمایا: صبر کی تین قسمیں ہیں: 
1۔مصیبت پر صبر کرنا۔
2۔ خدا کی اطاعت کی انجام دہی میں صبر کرنا۔
3۔ گناہوں سے دوری میں صبر کرنا۔
پس جو شخص مصیبت کے وقت صبر کرے اور کوئی ایسی بات یا کام جس میں خدا کی رضایت نہ ہو انجام نہ دے تو خداوند عالم اس کے مقام کو تین سو درجہ اونچا کرےگا اور ہر ایک درجہ سے دوسرے درجہ کا فاصلہ آسمان سے زمین کے فاصلے کے برابر ہوگا، اور جو شخص خدا کے امور اور عبادات کی انجام دہی میں صبر کرے تو خداوند عالم اس کے مقام کو چھے سو درجہ اونچا کرےگا اور ہر ایک درجہ سے دوسرے درجہ کا فاصلہ زمین سے عرش برین تک کا ہوگا، اور جو شخص گناہوں سے دوری اختیار کرے گا، اور گناہ انجام نہ دے اور صبر کرے تو خداوند عالم اس کے مقام کو نو سو درجہ اونچا کرےگا، اور ہر ایک درجہ سے دوسرے درجہ کا فاصلہ زمین سے عرش برین کی انتہاء تک کے فاصلہ کے برابر ہوگا۔(3)
روایت اس بات پر دلالت کرتی ہے کہ سب سے زیادہ ثواب گناہوں سے دوری پر ہے اور خدا اس شخص کو جو گناہوں سے دوری اختیار کرے کمال کی انتہاء تک پہنچاتا ہے، امام صادق علیہ السلام رسول اسلام کے فرمان الصوم جنتہ، کی تفسیر کرتے ہوے فرماتے ہیں: روزہ ستر و حجاب ہے یعنی دنیا کی آفت کو اس سے چھپایا جاسکتا ہے اور عذاب آخرت کے درمیان حجاب بن جاتا ہے۔ (4)
پس جب بھی روزہ رکھنے کا ارادہ کرے تو روزہ کے ساتھ یہ بھی ارادہ کرے کہ اپنے نفس کو تمام گناہوں سے دور رکھے، تمام شہوات اور خواہشات نفسانی سے اپنے آپ کو بچا کر رکھے، کیونکہ ان چیزوں میں پڑنا اور انہیں انجام دینا روزہ کے ثواب میں کمی کا باعث بنتا ہے۔

حوالہ جات ۔۔۔۔۔۔۔۔۔۔۔۔۔۔۔۔۔۔۔۔۔۔
1۔ بحار الانوار ج 69 ص 368
2۔ بحار الانوار ج71ص 77
3۔ بحار الانوار ج71 ص 77اوصاف روزہ داران
4۔ مصباح الشریعہ ص 137

پیام رمضان

💠💠💠💠💠💠💠💠💠💠

         =======  *پیام رمضان* =======

                 *شَهْرُ رَمَضَانَ الَّـذِىٓ* *اُنْزِلَ فِيْهِ الْقُرْاٰنُ* َ 
               رمضان وہ مہینہ ہے جس میں قرآن 
                اتارا گیا

                 💠💠  *پارہ 4*  💠💠  

1- *نیکی کی شرط* 

                    لَن تَـنالُـوا الـبِـرَّ حَـتّ تُنـفِـقوا
                    مِـمّا تُـحِـبّـونَ  
                     ہرگز نیکی میں کمال حاصل نہ
                     کر سکو گے یہاں تک کہ اپنی پیاری
                      چیز سے کچھ خرچ کرو
                             (سوره آل عمران / 92 )
2  *-وحدت مسلمين* 

                     وَ اعـتَـصِـموابِـحَبـلِ الله جَـميـعًا 
                     اور سب مل کر اللہ کی رسی کو
                    مضبوط پکڑو اور پھوٹ نہ ڈالو
                          (سوره آلِ عِمران / 103)
3  *-  نيک لوگوں کے دوست* 

                      وَ الله يُـحِبُّ الـمُحـسِـنيـنَ َ 
                      اور اللہ نیکی کرنے والوں کو
                      دوست رکھتا ہے
                            (سوره آلِ عِمـران / 134)
4  - *بخشنے والا خدا* 

                      وَ مَن يَغـفِـرُ الـذُّنوبَاِلََّ اِلَّا اللَّهُۖ 
                      اور سوائے اللہ کے اور کون
                      گناہ بخشنے والا ہے،
                          (سورہ آل عمران / 135)
 5 - *قرآن* 
                      هـذا بَـيانٌ لِـلـنّـاسِِ 
                      یہ لوگوں کے واسطے بیان ہے
                          ( سوره آل عمران / 138 )
6  - *صبر کا صلہ* 

                       وَ اللہ ُيُـحِبُّ الـصّـابِـريـنَ 

                        اور اللہ ثابت قدم رہنے والوں کو
                        پسند کرتا ہے۔
                         (سوره آل عمران / 146)
7 - *مشورت* 
                        وَ شاوِرهُم فِـي الـاَمـرِ 
                        اور کام میں دوسروں سے 
                         مشور لیا کرو،
                          (سوره آل عمران / 159)
8  - *جہان کا تنہا وارث حقیقی* 

                       وَ لِـلّـهِ ميـراثُ الـسـماوات
                       ِ وَ الـاَرضِ ِ
                       اور اللہ ہی آسمانوں اور زمین
                      کا وارث ہے،
                          (سوره آل عمران / 180)
8  - *با ہدف تخلیق* 

                       رَبَّـنا ما خَـلَقـت َهـذا باطِـلًا،ِ 
                       اے ہمارے رب تو نے یہ بے فائدہ
                       نہیں بنایا تو سب عیبوں سے پاک
                       ہے سو ہمیں دوزخ کے عذاب سے
                       بچا۔
                           (سوره آل عمران / 191) 
9   *بہترين انعام* 
  
                       وَاللّـٰهُ عِنْدَهٝ حُسْنُ الثَّوَابِ 
                        اور اللہ ہی کے یہاں اچھا بدلہ 
                          ہے۔
                         (سوره آل عمران/ 195)
10  *-حساب* 
                        اِنَّ اللہ سَـريـع
                  ُ     بے شک اللہ جلد حساب لینے
                        والا ہے۔
                              (سوره آل عمران/ 199)
11  - *غیر محسوس نگہبان* 

                     ۚ اِنَّ اللّـٰهَ كَانَ عَلَيْكُمْ رَقِيْبًا 
                     بے شک اللہ تم پر نگرانی کر رہا 
                      ہے۔
                               (سورہ مائدہ / 1)

➿➿➿➿➿➿➿➿➿

پیام رمضان

💠💠💠💠💠💠💠💠💠💠

         =======  *پیام رمضان* =======

                 *شَهْرُ رَمَضَانَ الَّـذِىٓ* *اُنْزِلَ فِيْهِ الْقُرْاٰنُ* َ 
               رمضان وہ مہینہ ہے جس میں قرآن 
                اتارا گیا

                 💠💠  *پارہ 3*  💠💠  

  1 *-انفاق* 

              يَآ اَيُّـهَا الَّـذِيْنَ اٰمَنُـوٓا اَنْفِقُوْا مِمَّا رَزَقْنَاكُمْ 
              *اے ایمان والو!* جو ہم نے تمہیں رزق
               دیا ہے اس میں سے خرچ کرو
                                  (سوره بقره / 254 )
2  *مؤمنين کے مددگار*
 
                 اَللَّـهُ وَلِىُّ الَّـذِيْنَ اٰمَنُـوْا
                   اللہ ایمان والوں کا مددگار ہے 
                                (سوره بقره/  257)
3  *بے منّت مدد* 

                يَآ اَيُّـهَا الَّـذِيْنَ اٰمَنُـوْا لَا تُبْطِلُوْا صَدَقَاتِكُمْ 
                 بِالْمَنِّ وَالْاَذٰى َ 
                 *اے ایمان والو!* احسان جتا کر 
                 اور ایذا دے کے اپنی خیرات کو ضائع
                 نہ کرو
                                (سورہ بقرہ / 264 )

4 - *بے انتہاء قدرت* 

                 وَاللّـٰهُ عَلٰى كُلِّ شَىْءٍ قَدِيْرٌ 
                 اور اللہ ہر چیز پر قادر ہے۔
                                (سوره بقره / 284)
5 - *توانائی کے حساب سے تکليف* 

                   لَا يُكَلِّفُ اللّـٰهُ نَفْسًا اِلَّا وُسْعَهَا ۚ 
                   اللہ کسی کو اس کی طاقت کے سوا
                   تکلیف نہیں دیتا
                                (سوره بقره / 286 )
6  - *دشمن کو کم نہ سمجھیں* 

                    فَانْصُرْنَا عَلَى الْقَوْمِ الْكَافِـرِيْنَ 
                     کافروں کے مقابلہ میں تو ہماری
                      مدد کر۔
                                (سوره بقره / 286 )
 7 - *ہدایت بڑی نعمت* 

                  رَبَّنَا لَا تُزِغْ قُلُوْبَنَا بَعْدَ اِذْ هَدَيْتَنَا وَهَب
                   لَنَا مِنْ لَّـدُنْكَ رَحْـمَةً ۚ اِنَّكَ اَنْتَ الْوَهَّابُ 
                   اے ہمارے رب ! جب تو ہم کو ہدایت 
                   کر چکا تو ہمارے دلوں کو نہ پھیر
                   اور اپنے ہاں سے ہمیں رحمت 
                    عطافرما، بے شک تو بہت زیادہ
                     دینے والا ہے۔
                              (سوره آل عمران / 8)
8  *مغفرت کے لیے ایمان ضروری*

                      رَبَّـنا اِنَّـنا آمَنّـافَـاغـفِرلَـنا
                      ذُنوبَـنا وَقِنَا عَذَابَ النَّارِ 
                       اے ہمارے رب ! ہم ایمان لائے ہیں
                       سو ہمیں ہمارے گناہ بخش دے 
                       اور ہمیں دوزخ کے عذاب سے
                        بچا لے۔ 
                            (سوره آل عمران / 16)
9 - *دين فقط اسلام* 

                       اِنَّ الـدّيـنَ عِنـدَ اللہ الـاِسـالمُ ۗ  
                       بےشک دین، اللہ کے ہاں، اسلام 
                         ہے
                              (سوره آل عمران / 19)
10  - *خدا،اچھائیوں کا سرچشمہ* 

                    بِـيَـدِكَ الـخَيـرُ اِنَّكَ عَلٰى كُلِّ شَىْءٍ 
                     قَدِيْرٌ 
                    خدایا! سب خوبی تیرے ہاتھ میں ہے
                             (سوره آل عمران / 26 )
11 *-خدا سے  دوستي کی نشانی* 

                     قُلْ اِنْ كُنْتُـمْ تُحِبُّوْنَ اللّـٰهَ فَاتَّبِعُوْنِى
                      ْ يُحْبِبْكُمُ اللّـٰهُ  
                       *کہہ دو*! اگر تم اللہ کی محبت
                       رکھتے ہو تو میری تابعداری 
                        کرو تاکہ تم سے اللہ محبت
                        کرے
                             (سوره آل عمران / 31)
12 - *سخاوت یہ ہے* 

                  اِنَّ اللّـٰهَ يَرْزُقُ مَنْ يَّشَآءُ بِغَيْـرِ حِسَابٍ 
                   اللہ جسے چاہے بے حساب رزق
                   دیتا ہے۔
                            (سوره آل عمران / 42 )
13  - *يادخدا کی حد* 

                      وَ اذکُـر رَبَّـکَ کَـثيـرًا  ِ
                      اور اپنے رب کو بہت یاد کر
                               (سوره آل عمران / 41)
14  *-دشمني کس کے ساتھ* َ 

                      وَاللّـٰهُ لَا يُحِبُّ الظَّالِمِيْنَ 
                      اور اللہ ظالموں کو پسند نہیں کرتا
                               (سوره آلِ عِمران / 57)
15  *-قابل قبول دین* 

                     وَمَنْ يَّبْتَـغِ غَيْـرَ الْاِسْلَامِ دِيْنًا 
                     فَلَنْ يُّقْبَلَ مِنْهُۚ  
                      اور جو کوئی اسلام کے سوا اور 
                      کوئی دین چاہے تو وہ اس سے
                       ہرگز قبول نہیں کیا جائے گا
                              (سوره آل عمران /85 )
➿➿➿➿➿➿➿➿➿

پیام رمضان

  =======  پیام رمضان =======

                 شَهْرُ رَمَضَانَ الَّـذِىٓ اُنْزِلَ فِيْهِ الْقُرْاٰنُ َ 
               رمضان وہ مہینہ ہے جس میں قرآن 
                اتارا گیا

                 💠💠  پارہ 2  💠💠  
 
1 - اجتماعی مقابلہ 

                           فَـاسـتَـبِـقُوا الـخَيـراتِ
                           پس نیکیوں کی طرف ایک 
                           دوسرے پر سبقت کرو.
                                 (سوره  بقره / 148 )
2  - خدا ہماری یاد میں ہے 

                         فَاذْكُرُوْنِـىٓ اَذْكُرْكُمْ  
                         پس مجھے یاد کرو میں تمہیں
                         یاد کروں گا ۔
                                (سوره  بقره / 152 )
 3  -خدا سب پر مہربان ہے 

                           هُوَ الرَّحْـمٰنُ الرَّحِيْـمُ
                            وہ بڑا مہربان نہایت رحم والا
                             ہے۔
                                  (سوره  بقره / 163)
4   محبت خدا کے ساتھ
 
                           وَالَّـذيـن َآمَـنوا اَشَـدُّ حُـبًّا لِـلّـهِ
                           اور ایمان والوں کو تو اللہ ہی
                          سے زیادہ محبت ہوتی ہے
                                 (سوره  بقره / 165 )
5  - رمضان کا مہینہ 

                         شَهْرُ رَمَضَانَ الَّـذِىٓ اُنْزِلَ فِيْهِ 
                         الْقُرْاٰنُ  
                         رمضان کا وہ مہینہ ہے جس
                         میں قرآن اتارا گیا
                                (سوره  بقره / 185 )
6  - چاہنے والی زات 

                        وَاِذَا سَاَلَكَ عِبَادِىْ عَنِّىْ فَاِنِّىْ قَرِيْبٌ 
                         اور جب آپ سے میرے بندے 
                         میرے متعلق سوال کریں تو
                         کہہ دیجئے میں ان کے نزدیک
                         ہوں،دعا کرنے والے کی دعا 
                         قبول کرتا ہوں.
                               (سوره  بقره / 186 )
7  - خدا کس کے ساتھ  ؟ َ 

                         وَاعْلَمُوٓا اَنَّ اللّـٰهَ مَعَ الْمُتَّقِيْنَ 
                          اور جان لو کہ اللہ پرہیزگاروں 
                            کے ساتھ ہے
                                (سوره  بقره/ 194)
 8 -ہم اپنی ہلاکت کے باعث ہے 

                         وَ لا تُلـقوا بِـاَيـديـکُم اِلَى 
                         الـتَّهـلُـکَـةِ 
                          اور اپنے آپ کو اپنے ہاتھوں
                           سے ہلاکت میں نہ ڈالو،
                                (سوره  بقره/ 195)
9  ایک دوسرے کے ساتھ نیکی  

                        وَاَحْسِنُـوْا ۚ اِنَّ اللّـٰهَ يُحِبُّ 
                        الْمُحْسِنِيْنَ 
                        نیکی کرو، بے شک اللہ نیکی 
                        کرنے والوں کو دوست رکھتا
                          ہے۔
                                 (سوره بقرہ/ 195)
11  -نعمت دینے والے سے غافل نہ رہیں

                       فَاذْكُرُوا اللّـٰهَ كَذِكْرِكُمْ اٰبَآءَكُمْ 
                        اَوْ اَشَدَّ ذِكْرًا ۗ 
                       اللہ کو یاد کرو جیسے تم اپنے 
                        باپ دادا کو یاد کیا کرتے تھے
                        یا اس سے بھی بڑھ کر یاد 
                         کرنا،.
                                 (سوره  بقره /  200 )
12  - دو جهان کی نیکی 

                       رَّبَـنا آتِـنا فِـي الـدُّنـيا حَـسَنَـةً 
                       وَ فِـي اآلخِـرَةِ حَـسَـنَـةً 
                       اے ہمارے رب ہمیں دنیا میں 
                       نیکی اور آخرت میں بھی نیکی
                        دے
                               (سوره  بقره / 201)
13 دلسوز کون ؟ ِ

                         ۗ وَاللّـٰهُ رَءُوْفٌ بِالْعِبَادِ 
                         اور اللہ اپنے بندوں پر بڑا 
                         مہربان ہے
                                (سوره  بقره/ 207)
14 -پیروی  شيطان  

 ۖ                      وَّلَا تَتَّبِعُوْا خُطُوَاتِ الشَّيْطَانِ ۚ اِنَّهٝ 
                         لَكُمْ عَدُوٌّ مُّبِيْنٌ 
                         اور شیطان کے قدموں کی 
                         پیروی نہ کرو، کیوں کہ وہ 
                         تمہارا صریح دشمن ہے
                                (سوره  بقره / 207 )
14  -عفو و در گذشت 

                     وَاَنْ تَعْفُوٓا اَقْرَبُ لِلتَّقْوٰى  
                      اور معاف کر دینا پرہیزگاری کے 
                       زیادہ قریب ہے،
                              (سوره  بقره/ 237 )
15  -ایک دوسرے کے ساتھ مہربانی 
                      وَ التَنـسَـوُا الـفَضـلَ بَيـنَـکُم
                      اور آپس میں احسان کرنا نہ بھولو،
                             (سوره  بقره/ 237 )
16  - نماز کی پاسبانی 

                      حافِـظوا عَـلَي الـصَّـلَـواتِ 
                      اپنی نمازوں کی حفاظت کیا کرو 
                                (سوره بقره/ 238)
17  - کثرت معیار نہیں 

                      کَم مِن فِـئَـةٍ قَـليـلَـةٍ غَـلَـبَت 
                       فِـئَـةً کَـثيـرَةًبِـاِذنِ اللّـٰهِ ۗ 
                       بارہا بڑی جماعت پر چھوٹی جماعت 
                        غالب ہوئی ہے،
                               (سوره بقره / 249)
➿➿➿➿➿➿➿➿➿

پیام رمضان

💠💠💠💠💠💠💠💠💠💠

         =======  پیام رمضان =======

                 شَهْرُ رَمَضَانَ الَّـذِىٓ اُنْزِلَ فِيْهِ الْقُرْاٰنُ َ 
               رمضان کا وہ مہینہ ہے جس میں قرآن 
                اتارا گیا

                 💠💠    پارہ 1   💠💠

1 خدا کے نام سے 

                    بِسْمِ اللّـٰهِ الرَّحْـمٰنِ الرَّحِيْـمِ
                    شروع اللہ کے نام سے جو بڑا 
                    مہربان نہایت رحم والا ہے 
                                ( سوره ي حمد / 1 )
 2     شکر خدا
                        اَ لْحَـمْدُ لِلّـٰهِ رَبِّ الْعَالَمِيْنَ 
                         سب تعریفیں اللہ کے لیے ہیں 
                       جو سب جہانوں کا پالنے والا ہے
                              ( سوره ي حمد, آيه / 2 )
3 سیدها راستہ 
                        اِهـدِنَاالـصِّـراطَ الـمُسـتَـقيـمِ 
                        ہمیں سیدھا راستہ دکھا۔
                            ( سوره ي حمد / 6 )
4   نماز جماعت 
                            وَارْكَعُوْا مَعَ الرَّاكِعِيْنَ 
                            اور رکوع کرنے والوں کے 
                             ساتھ رکوع کرو۔
                           ( سوره ي بقره / 43)
5 سختیوں کے پناہ گاہ 
                         وَاسْتَعِيْنُـوْا بِالصَّبْرِ وَالصَّلَاةِ ۚ  
                        (سختی اور مشکلات میں 
                         کامیابی کے لیے) 
                          صبر اور نماز  سے مدد لیا کرو
                                 ( بقرہ / 45 )
6 ِ حسن کلام 
                        وَقُوْلُوْا لِلنَّاسِ حُسْنًا 
                       اور لوگوں سے اچھی بات کہنا
                                  (بقرہ / 83 )
7 قرآن پڑھنے کا طریقہ 
                       اَلَّـذِيْنَ اٰتَيْنَاهُـمُ الْكِتَابَ يَتْلُوْنَهٝ 
                       حَقَّ تِلَاوَتِهٖ َؕ 
                      وہ لوگ جنہیں ہم نے کتاب دی ہے
                       وہ اسے پڑھتے ہیں جیسا اس کے
                     پڑھنے کا حق ہے،
                             ( بقرہ/ 121 )
➿➿➿➿➿➿➿➿

انتظار فَرَج یعنی کیا؟

آج دنیا جس موڑ پر کھڑی ہے یقیناً آپ لوگ اس سے مطمئن نہیں ہیں۔ یہاں تک انقلاب اسلامی کے بعد ترقی کے اتنے سارے مراحل طے کر چکے ہیں اس پر بھی راضی نہیں ہیں بلکہ قرآن اور اسلام کی حاکمیت کے اور نزدیک ہونے کے خواہشمند ہیں اور انتظارِ فرج اِسی کو کہتے ہیں۔ یعنی انسانی کارکردگی اور عمل کے اوجِ کمال اور آسودگی کا نام انتظار ہے۔ آج پوری بنی نوع انسان مختلف مشکلات اور پیچیدگیوں میں گرفتار ہے۔ آج آئے روز انسانوں پر مادی تہذیب کو مسلّط کرنے کی جو کوششیں ہو ریی ہیں یہ بھی ایک مشکل ہے، اِسی طرح آج دنیا میں رائج طبقاتی نظام سے بھی انسان پریشان ہے۔ یقیناً یہ بھی ایک بہت بڑی مشکل ہے۔ آج دنیا کی سپر طاقتیں اور سازشی عناصر اپنے غلط پروپیگنڈوں اور ہتھکنڈوں کے ذریعے ایک انقلابی ملت کی صدائے عدالت خواہی کو دبانے کی کوششیں کر رہے ہیں یہ بھی ایک بہت بڑا المیہ ہے۔ آج افریقہ، لاطینی امریکا اور ایشیا میں بسنے والے کروڑوں محروم، مستضعف اور مختلف رنگوں کے لوگ طبقاتی نظام کی وجہ سے پسے جارہے ہیں اور ان کی اُمید بھری نظریں ایک فریاد رس اور نجات بخش انسان کی راہ تک رہی ہیں لیکن دنیا کی سپر طاقتیں اس صدائے نجات بخش کو ان کے کانوں تک پہنچنے میں رکاوٹ بنی ہوئی ہیں۔ یہ بھی ایک گِرہ ہے اور انتظارِ فرج کے معنی ان تمام گرہوں کو کھولنا ہے۔ لہٰذا اپنی نظر کو وسیع کیجئے اسے اپنے گھر کی چار دیواری تک محدود مت کیجئے آج پوری انسانیت فَرَج اور گشادگی کی منتظر ہے لیکن وہ فرج اور کشادگی کی راہوں سے ناواقف ہے۔ آپ اور تمام ملتِ اسلامیہ کو چاہیے کہ اپنی منظم جدوجہد کو جاری رکھتے ہوئے اس انقلابِ اسلامی کے تسلسل کے ذریعے اپنے آپ کو پوری انسانیت کو آہستہ آہستہ اس عالمی انسانی کشادگی کے قریب کریں اور مہدی موعود علیہ السلام کے ظہور اور اُس عَالَمی اسلامی انقلاب کے نزدیک کرنے کی کوشش کریں جو پورے عالم انسانیت میں وقوع پذیر ہو گا اور ان تمام گرہوں کو کھول دے گا۔ اِسی کو انتظارِ فَرَج کہتے ہیں۔

حوالہ: [کتاب] ڈھائی سو سالہ انسان [مؤلف] امام خامنه ای [ج] 1 [ص] 452 [پبلشر] انتشارات آستان قدس رضوی [ایڈیشن] 1 [ﭘﺮﻧﭧ] 1 [پرنٹر] مؤسسہ چاپ وانتشارات آستان قدس رضوی